طريقة عمل الشيكولاتة البيتى بدقائق رخيصة جدا








لو عايزين تعملوا شكولاتة بيتي .. جربوا الخطوات دي:

– الشكولاتة الخام لازم تكون على درجة حرارة الغرفة

– نقطع الشكولاتة قطع صغيرة

– نجيب حلة فيها مية .. ونسخنها على نار متوسطة حتى تبدأ في الغليان



– نجيب وعاء تاني بيركس غويط مثلاً أو حلة تانية ونحط فيها الشكولاتة فوق حلة المية اللي على النار (double boiler)

– نقلب الشكولاتة بإستمرار فوق البخار لحد متذوب تماماً .. ونرفعها من على البخار

– لو بنستعمل شكولاتة بيضا دة وقت التلوين .. نقسم الشكولاتة على أطباق مختلفة ونلون كل طبق .. نحط نقطة أو اتنين على الشكولاتة ا نقلب ببطء .. لو عايزين اللون أقوى يبقى نزود نقطة نقطة

– نحط الشكولاتة في القوالب .. ونسبها تبرد برة التلاجة

– لما تهدى ممكن تحطها في التلاجة .. ولما تمسك نشيلها من القالب

نصايح :
– يفضل تخزين الشكولاتة الخام يكون خارج التلاجة ،،في علبة مقفولة

– لو معندكش قوالب .. ممكن نستعمل قوالب مكعبات التلج

– لو عايزين نعمل شكولاتة محشية .. نجيب القالب ونحط فيه طبقة من الشكولاتة المذابة … ونحط القالب في الفريزر 5-10 دقائق .. بعدها نحط حشو قليل .. بعدها نملا باقي القالب بالشكولاتة

– أنواع الحشو ممكن تبقى كرامل ، مربى عنبية ، نوتيلا

– لتلوين الشكولاتة أحسن حاجة نستعمل ألوان بودر أو ألوان زيت




المصدر: 3a2ilati: عائلتي موقع للام والطفل

1 التعليقات:

إرسال تعليق